Kukësi ka marrë fitoren e parë në Kategorinë Superiore falë edhe një super-Reginaldo. Sulmuesi nga Mozambiku ishte autor i të tre golave, në fitoren 3-1 që nënkampionët në fuqi të Shqipërisë arritën përballë Tiranës.
Spektakli i 28 vjeçarit nisi që në minutën e 2-të. Sulmuesi kontrolloi bukur një top të ardhur nga mbrojtja dhe me një sprint “alla-Usain Bolt” iu drejtua portës së Likës për të zbrasur të djathtën e për të dërguar në rrjetë sferën.
