Ata vranë 54 vjeçarin nga Korça pas zënkës për kontrollin e zonës së kanaçeve.
Xhaxhai dhe dy nipërit e akuzuar për vrasjen e 54 vjeçarit Novruz Fiqi do të qëndrojnë në burg për 45 ditë. Ky ka qënë vendimi derisa brenda kësaj kohe të dalë dhe përgjigjja e aktit të ekspertimit.
Të arrestuarit janë Arben Nazif, 56 vjeç, Emiljano Nazif, 30 vjeç Edison Nazif, 30 vjeç, të tre banues në Korçë.
Novruzi u gjet i pajetë në banesën e tij një ditë pas zënkës. Policia tha se viktima ka qenë duke pirë me një të afërm në një hyrje të pallatit aty pranë, ku ka pasur edhe një konfrontim fizik me Emiljano Nafizin.
Viktima u dhunua barbarisht me sende të forta dhe me grushta.
