Policia e Durrësit vuri në pranga dy persona, ndërsa një i tretë është shpallur në kërkim për plagosjen me thikë të një 20-vjeçari.
Ngjarja e rëndë ndodhi mbrëmjen e së shtunës, 25 gusht, në lagjen Nr.15.
Të arrestuarit Nikoll Përlleshi 31 vjeç, Bibë Deda 48 vjeç, banues në Durrës dhe i shpalluri në kërkim J.B. 17 vjeç për motive të dobëta, kanë tentuar të vrasin duke e goditur disa herë me thikë në trup shtetasin D.D. 20 vjeç.
Ky i fundit ndodhet në Spitalin Rajonal Durrës nën kujdesin e mjekëve. Në cilësinë e provës materiale është sekuestruar thika.
Materialet i kaluan Prokurorisë së Rrethit Gjyqësor Durrës për veprime të mëtejshme për veprat penale”Vrasja me paramendim” në bashkëpunim e mbetur në tentativë dhe ” Prodhimi, mbajtja, blerja apo shitja pa leje e armëve të ftohta”.
