Ndërroi jetë në moshën 81 vjeçare, senatori republikan John McCain. McCain ka ndërruar jetë të shtunën, në shtëpinë e tij në Arizona, njofton zyra e tij e shtypit.
McCain ishte senator për tre dekada dhe ishte diagnostifikuar me kancer në tru që në korrik të vitit 2017.
Senatori republikan ishte operuar gjatë prillit të këtij viti. McCain i ka shërbyer Shteteve të Bashkuara të Amerikës për disa dekada dhe kishte garuar edhe në zgjedhjet presidenciale.
Sipas njoftimit nga familja e tij, McCain ndërroi jetë pasditen e së shtunës, pranë gruas së tij, Cindyt. Tri ditë më parë ai mori vendimin që të ndërpriste kurën kundër kancerit që e mbante në jetë.
Mc Cain ka vizituar dy herë shqipëri në tri vitet e fundit, së pari në vitin 2015 dhë më pas në vitin 2017.
