Vëllai i viktimës i gjetur pa jetë në banesën e tij në Korçë ka konfirmuar se Novruz Fiqi është goditur dhe dhunuar nga Emiljano Nafizin.
Tefik Fiqi, duke folur për mediat, është shprehur se e ka parë të vëllain të konfliktohej në gjendje të dehur me Emiljanon si dhe ka shtuar detaje tronditëse.
Ai tregon se e kanë goditur me shkelma dhe e tërhoqën zvarrë nëpër shkallë, ndërsa ditën tjetër, teksa shkonte për ta parë, e gjeti të pajetë.
Rrëfimi i plotë
”Ka qenë i dehur, pashë që erdhi Emiljanoja dhe po zihej me vëllain. Vëllai im nuk është njeri që bën sherre. Ata e goditen me grushta dhe shkelma. E tërhoqën zvarrë nepër shkallë dhe u larguan me vrap. Vëllain e gjeta të shtrire jashtë pallatit dhe me tha që jam mirë.
Në mengjes u ktheva ta shikoja dhe e pashë të pajetë. Lajmërova policinë. Ne banonim të dy, jam në gjendje shumë të keqe ekonomike. Nuk kam as drita në shtëpi”,
