Fatmirësisht, manovra e shoferit në momentin e duhur, i shpëtoi jetën 30 njerëzve brenda një autobusi.
Autobusi me 30 turistë u përplas me një shkëmb pas manovrës së shoferit, për të mos përfunduar në humnerë.
Shkak i këtij incidenti, ka qënë rruga e dëmtuar e cila ka sjellë dhe humbjen e orientimit të autobusit.
Ngjarja ka ndodhur në aksin rrugor Librazhd-Steblevë, ku autobusi me turistë do të vizitonte pikën turistike të Fushëstuden, tek Shkalla e Lunikut.
Asnjë nga 30 turistët nuk ka marrë dëmtime serioze, ndërkohë që autobusi është dëmtuar. /K.Balliu
