Nga vrasja makabre dhe tragjedia e së premtes u shua një familje e tërë me 8 persona të vdekur.
Tragjedia vërtet mori jetë njerëzish, por nga ana tjetër mësohen lajme të mira. Ka të mbijetuar të cilët nuk ishin të pranishëm në shtëpine ku u qëlluan me armë 8 familjarët.
Një prej fëmijëve të Besim Zykajt, njërit prej viktimave ka mbijetuar. 17 vjeçari, Albi Zykaj, është fëmija i Besim Zykajt. Albi Zykaj bëhet e ditur se punon si kuzhinier në zonën e Dhërmiut.
Dhe pse ai ka shpëtuar, djaloshi ka mbetur krejtësisht jetim pasi ka humbur dy prindërit, Besimin dhe Vasilikën dhe motrën, Sarën dhe vëllain, Ledjonin.
Ridvan Zykajt i mori edhe gjyshërit e tij Demirin dhe Ferien, xhaxhain Azemin bashkë me gruan e tij Afërdita.
Masakrës i ka shpëtuar mrekullisht dhe djali i tjetër i Demir Zykajt, i cili mësohet se jetonte në emigracion prej vitesh.
Ai sot ka ardhur nga Greqia për të përcjellë familjarët e tij të cilët u masakruan me kallashnikov nga kushëriri 24-vjeçar.
Ndërsa nga ana tjetër, nga familja e Azem Zykajt, dy djemtë e tij (Falkao dhe Ariel, 24 dhe 19 vjeç) nuk ndodheshin në banesë në momentin e ngjarjes së rëndë.
