Një shqiptar është në prangat e policisë greke pasi vidhte ushqimin e viktimave të zjarrit.
37 vjeçari është ndaluar nga policia, menjëherë sapo është mësuar se merrte ushqimin nga depoja dhe e mbante për vete.
Ngjarja ka ndodhur në Nea Makri, aty dhe ishte vendosur depoja e grumbullimit të ushqimeve.
Sipas Fax News, në një palestër të mbyllur, ai kishte bashkëpunuar me një 49-vjeçar grek, për të cilin policia ende po kërkon pasi ka arritur të largohet.
37-vjeçari është arrestuar nga oficerë të policisë (DIAS Group) brenda në depon ushqimore duke vjedhur.
Policia ndërkohë ka gjetur jashtë në makinën e tij dy kuti me biskota dhe konservash. Ky akt i shëmtuar, solli arrestimin e shqiptarit dhe dërgimin e tij në prokurorinë e Athinës, ku do të procedohet penalisht.
