Hashim Thaçi vazhdon ende me deklaratat e tij në lidhje me korrigjimin e kufijve me Serbinë. Ai ka deklaruar duke pranuar se do të marrë 400 km2 për Republikën e Kosovës duke lënë pjesën më të madhe të Preshevës Serbisë mga 12002 km që është e gjitha zona.
Deklarata e Hashin Thaçit në një lidhje telefonike me TCH.
Në asnjë rrethanë nuk mund të lejohet ndarja e Kosovës apo shkëmbimi i territoreve pasi ajo është një ide e vjetër e Serbisë. Kërkesë historike kjo e Serbisë.
Ndërsa unë shoh mundësi në kuadër të korrigjimit të kufirit, rreth 400 km, Presheva, Bujanovci dhe Medvegja t’i bashkohen Republikës së Kosovës.
Mendoj se kjo kërkesë është krejt legjitime, e arsyeshme, historike, e vullnetit të qytetarëve. Idetë e ndarjes, janë ide që në asnjë rrethanë nuk mund të vihen në jetë nga askush në Kosovë.
Nga ana tjetër, Presidenti Hashim Thaçi ka thënë sot se është i gatshëm t’i bëjë ftesë shefit të Grupit Parlamentar të Lidhjes Demokratike të Kosovës, Avdullah Hoti për ta udhëhequr dialogun me Serbinë, sipas Telegraf.
Thaçi në një konferencë për media tha se është jashtëzakonisht inkurajues deklarimi i Hoti që edhe Presheva, Medvegja e Bujanoci duhet të jenë të Kosovës.
Por reagimi i Hotit ka qënë i menjëhershëm dhe ka reaguar me një postim në facebook.
Më poshtë postimi i plote i Abdulla Hotit:
Qytetarët e Kosovës, përmes zgjedhjeve të lira, do të vendosin se kush do ta udhëheq dialogun me Serbinë. Një gjë është e qartë që tani se ai person nuk do të jetë z.Thaçi, pasi ai në bazë të Kushtetutës së Kosovës nuk ka mandat të vendos për këto çështje.
E ftoj z.Thaçi të qëndrojë brenda kompetencave që ja jep Kushtetuta e Kosovës. Deklarimet e tij janë në kundërshtim me Kushtetutën e Kosovës. Në vend që të jetë garant i rendit kushtetues të Republikës së Kosovës, ai është duke e cenuar çdo ditë atë dhe për këtë duhet të flasë Gjykata Kushtetuese.
Dëmet që z.Thaçi me deklarimet e tij antikushtetuese është duke ia bërë shtetësisë së Kosovës në arenën ndërkombëtare janë të mëdha. Ai e ka nxjerrë jashtë funksionit krejt diplomacinë e Kosovës, si dhe diplomacinë e vendeve mike, duke stopuar plotësisht njohjet e reja dhe anëtarësimin në organizata ndërkombëtare të shtetit të Kosovës.
