Njëri nga 3 punonjësit që u dogjën gjatë riparimit të defektit në një linjë elektrike, raportohet se është në gjendje me të rëndë se dy punonjësit e tjerë.
51 vjeçari Edmond Shkurtaj, ka marrë djegie në fytyrë dhe për shkak të shkallës së lartë të djegies, është transportuar i pari për në qëndrën spitalore universitare”Nënë Tereza”.
Ndërkohë dy punonjësit e tjerë të OSHEE u nisën më vonë nga Vlora. Të dy raportohet se janë jashtë rrezikut për jetën.
Burime brenda QSUT-së, zbulojnë se ata janë shtruar në Repartin e Djegies Plastike, ndërkohë që kanë pësuar edhe djegie të lehta në disa pjesë të trupit.
Të tre punonjësit e OSHEE-së pësuan djegie nga shpërthimi i një transformatori teksa po riparonin defektin nga cikloni i djeshëm që përfshiu qytetin e Vlorës. Shkak i shpërthimit ka qënë vjetërsia e pjesëve mekanike të transformatorit.
