Endrit Memajt ishte shpallur në kërkim për 4 ditë nga autoritetet italiane pasi qëlloi me armë xhaxhin e gruas së tij moldave.
Pas 67 orëve duke u konsultuar me avokatin e tij, ai u vetëdorëzua në polici të enjten e 19 korrikut. Mbi shqiptarin rëndon akuza vrasjes së mbetur në tentativë. Gjithashtu 29-vjeçari Memaj ka precedentë të mëparshëm penalë për shpërndarje të lëndëve narkotike.
Memaj nuk arriti të ikte jashtë Italisë, i mbaruan paratë dhe të gjitha kontaktet e tij ishin nën vëzhgimin e policisë. Kjo e detyroi 29-vjeçarin shqiptar të dorëzohej.
Ndërkohë 36-vjeçari i plagosur është i shtruar në spital dhe po merr ndihmën e nevojshme mjekësore.
Si kishte ndodhur ngjarja?
Mesnatën e së hënës, në shtëpinë e tij në Brugheria, në momentin e ngjarjes ishin gruaja e shqiptarit, e cila është moldave, xhaxhai i saj dhe gruaja e këtij të fundit.
Midis Memajt dhe bashkëshortes së tij kishte nisur një debat dhe xhaxhai kishte tentuar të ndërhynte.
Në këto momente, Memaj, nxori armën dhe qëlloi në bark 36-vjeçarin moldav. Menjëherë pas kësaj ai hipi në makinën Alfa Romeo, që është në pronësinë e vëllait të tij dhe u largua nga vendi i ngjarjes.
Policia ka njoftuar se deri më tani nuk kanë arritur ta zbulojnë se ku është arma e krimit, të cilën shqiptari e mbante në mënyrë të paligjshme./K.Balliu
Burimi: IL Giorno
