Ditën e sotme delegacioni kosovar të prirë nga presidenti Hashim Thaçi, pasuar nga kryeministri Ramush Haradinaj, kryeparlamentari Kadri Veseli, Ministri i Jashtëm Behgjet Pacolli dhe zëvendëskryeministrat Dardan Gashi dhe Fatmir Limaj, kanë shkuar në Bruksel për të takuar përfaqësuesen e Lartë e BE-së, Federica Mogherini.
Më pas, Mogherini ka takuar presidentin e Serbisë, Aleksandar Vuçiq dhe në fund ka takuar bashkë presidentin kosovar Hashim Thaçi dhe atë serb, Aleksandar Vuçiq.
Komisioni Evropian do të takonte delegacionin lidhur me përfundimin nëse Kosova i ka përmbushur të gjitha kushtet nga procesi i dialogut për liberalizim vizash.
Lidhur me këtë, ka folur Dimitris Avramopoulos, Komisioneri Evropian për Migracionin, Çështjet e Brendshme dhe Shtetësinë. Ai është shprehur se Kosova ka arritur progres dhe kriteret për liberalizim vizash janë plotësuar.
“Një kapitull i rëndësishëm në historinë tonë të përbashkët: Kosova i plotëson kriteret për liberalizim të vizave”, ka thënë Avramopoulos.
(Më poshtë janë pamjet nga këto takime gjatë ditës së sotme në Bruksel marrë nga Klan Kosova)
https://www.facebook.com/KlanKosovaOfficial1/videos/2075774595801057/
