Ish-efektivi i policisë së Shkodrës, Boran Berçana dhe bashkëjetuesja e tij Silvana Ndoci u kthyen në mburojë për të birin 1 vjeç e gjysmë teksa u përballën me një atentat që u mori jetën.
Sipas grupit hetimor Berçana sapo ka parë autorin t’i afrohej automjetit, ka tentuar t’i ktheje shpinën, duke marrë pozicion mbrojtës ndaj gruas dhe djalit, por plumbat që e kanë përshkuar trupin e tij, goditën edhe 25 vjeçaren.
Fëmija u dërgua në spital dhe pasi u konstatua se nuk ka asnjë dëmtim, u tërhoq nga të afërm të Berçanës.
30 vjeçari dhe bashkëjetuesja e tij u vranë me 20 plumba automatiku me silenciator.
Krimi ka ndodhur gjatë natës, por policia u njoftua nga banorët e zonës vetëm në mëngjes rreth orës 06:40 minuta.
