Tërmeti që ka rënë paraditen e sotme me epiqendër në gjirin e Lalëzit ka shkaktuar dëme tek stacioni i pompimit në Fushë Kuqe.
Burime nga grupi i punës që operon në këtë stacion ka bërë të ditur se tubacioni ka pësuar dëmtime të shumta, ndërkohë që është stakuar edhe energjia elektrike.
Për shkak të tërmetit janë dëmtuar shkarkuesit e zbarrave 110 Kilovolt në nënctacionin Lac 1 dhe Lac 2 nga të cilët furnizohet me energji elektrike stacioni i pompave në Fushë Kuqe.
Deri më tani janë raportuar rënia e një çatie në një banesë të braktisur, njësia administrative Manzë Në Yrshek, Kashar i është çarë muri i një banese Në Marqinet, Bashkia Vorë, raportohet dëmtimi i catisë së një banese. Në lagjen Dyl Haxhire Myzyri, pallati nr. 8 ka plasaritje të mureve. Njësia Cudhi, Bashkia Krujë është plasaritur një banesë. Fshati Brret, Bashkia Krujë një banesë e plasaritur. Plasaritje e një supermarket në lagjen 17, Bashkia Durrës.
Ndrëkohë një qytetar i Durrësi ka publikur një foto të banesës ku duket qartë se një shtesë pallati ka pësuar carje të thella.
“Shikojeni shtesën e një pallati në mes të Durrësit. Sot mendova se do ishte fundi. Dita ditës po ndahet”
