Do të realizohet faza e katërt e punimeve në autostradën Tiranë-Durrës.Autoriteti Rrugor Shqiptar njofton qytetarët se do të bllokohet sërish autostrada. Sot, ditën e hënë do të bllokohet qarkullimi për ndërhyrjen në riparimin e segmentit Shkozet – Durrës nga ora 06:00 deri në orën 22:00.
Pas përfundimit të ndërhyrjes në segmentin Shkozet – Durrës do të fillojë ndërhyrja në drejtimin Durrës – Tiranë, për të cilat ARRSH dhe Policia e Qarkullimit Rrugor do të njoftojnë gjatë ditës së sotme skemat e lëvizjes dhe do të informojnë opinionin publik.
Njoftimi i ARRSH
“Devijimi i trafikut do të fillojë në orën 06:00 deri në 22:00 të ditës së hënë datë 25/06/2018. Trafiku në drejtim Tiranë-Durrës do të devijohet në mbikalimin e Shkozetit në drejtim të rrugës së unazës së Shkozetit dhe të ndjekin Shkozet-Durrës ( zona Kënetës) ose unazën e Shkozetit”
