Në pjesën e jashtme të dritares të një lokali është vendosur një lëndë plasëse, pak pas mesnatës së sotme. Policia ka arritur ta çaktivizojë pasi e ka konstatuar një kallëp të mbështjellë me lëndë plasëse e cila nuk arriti të shpërthente.
Policia e Matit ka nisur hetimet, ka shoqëruar disa persona që dyshohen të kenë dijeni për këtë ngjarje. Lokali ishte në pronësi të shtetasit me iniciale në Burrel me iniciale B.K ndërkohë policia po merr në shqyrtim kamerat e sigurisë për identifikimin dhe kapjen e autorëve si dhe ka nisur hetimet për zbardhjen e shkaqeve të ngjarjes.
Njoftimi i policisë:
Më datë 24.06.2018 rreth orës 00:40 , në qytetin e Burrelit, në pjesën e jashtme të dritares të lokalit të shtetasit B.K, banues në Burrel, është konstatuar një kallëp e mbështjellë e dyshuar me lëndë plasëse e cila nuk ka shpërthyer, dhe falë reagimit dhe ndërhyrjes në kohë të policisë është çaktivizuar .
Policia e Matit ka nisur hetimet, ka shoqëruar disa persona që dyshohen të kenë dijeni për këtë ngjarje, si dhe po kqyren kamerat e sigurisë për identifikimin e autorit/ëve.
Grupi hetimor në bashkëpunim me Prokurorinë e Rrethit Gjyqësor Mat, vijojnë hetimet në vendgjarje dhe po punohet për zbardhjen dhe dokumentimin e plotë të saj.
