Koncesionari që do të vjelë taksën e rrugës së Kombit ka vendosur të përforcojë terminalin që pritet të hapet në shtator. Kabinat e djegura në protestën e 31 marsit janë zëvendësuara me kabina të reja hekuri.
Në terminalin e pagesës janë vendosur tre sportele dhe po punohet për instalimin e rrjetit elektrik dhe të internetit. Aktualisht në terminalin e ri po vendosen llamarinat e mbulesës.
Protesta kundër taksës në Rrugën e Kombit u shoqërua me incidente të shumta dhe konfrontime mes policisë dhe protestuesve, ku disa prej këtyre të fundit u arrestuan, por u liruan para pak ditësh.
Opozita dhe banorët e prekur nga taksa kanë parlajëmruar se nuk do të pranojnë taksën e re prej 100 lekësh duke sjellë kështu protesta të tjera në rrugën e Kombit. Por një gjë është e sigurtë: kabinat e hekurit nuk mund të digjen por mund të shkulen.
