Policia e Shtetit ka dhënë detaje në lidhje me aksidentin e rëndë të ndodhur këtë pasdite ku mbetën të plagosur 5 persona.
Ngjarja ka ndodhur në Fushë Milot, ku tre makina janë përplasur mes tyre. Impakti ka qenë mjaft i fortë, ashtu siç tregojnë dhe fotot e nga incidenti kanë mbetur të plagosr 5 persona.
Policia nuk sqaron nëse të aksidentuarit ndodhen në gjëndje të rëndë shëndetësore ose jo, por njofton se tashmë ata janë dërguar në qendrën spitalore.
Njoftimi i policisë:
Kurbin
Informacion paraprak
Më datë 17.06.2018, rreth orës 17:20, në Fushë Milot, ka ndodhur një aksident automobilistik ku janë përfshirë 3 mjete, konkretisht mjeti tip Benz me drejtues shtetasin B.D., mjeti tip Suzuki me drejtues shtetasin M.K. dhe mjeti tip Volksëagen me drejtues shtetasin I.T.
Për pasojë janë lënduar 5 shtetas, pasagjerë në mjetët e përfshira në aksident të cilët janë dërguar në spital ku ndodhen nën kujdesin e mjekëve.
Policia Rrugore në vendngjarje po menaxhon trafikun e krijuar nga bllokimi i rrugës nga aksidenti.
Grupi hetimor në bashkëpunim me Prokurorinë e Rrethit Gjyqësor Kurbin, po kryejnë veprimet për zbardhjen e plotë të shkaqeve të aksidentit/-
