Të paktën dy gra janë lënduar, pasi disa gurë janë shkëputur nga mali dhe kanë rënë mbi një autobus me punëtorë të një fabrike në aksin rrugor Shëngjin-Lezhë.
Ngjarja ka ndodhur mëngjesin e sotëm pranë Knallës. Dyshohet se gurët kanë rrëshqitur si pasojë e shirave gjatë natës.
Nuk dihet ende gjendja shëndetësore e dy grave që kanë pësuar lëndime.
Forca policie kanë nisur hetimet, ndërsa sektori i mirëmbajtjes së rrugëve ka nisur punën për pastrimin e gurëve të rënë.
Njoftimi i Policisë
Me datë 06. 06. 2018, rreth orës 06:42, është marrë njoftim se në rrugën Lezhë – Shëngjin, tek vendi i quajtur “Knalla”, një masiv shkëmbor është shkëputur nga mali dhe i ka rënë një autobusi me targa AA 971 JZ, me drejtues shtetasin P. P., i cili po kalonte aty në ato momente.
Për pasojë janë dëmtuar 2 shtetase, K. D., 21 vjeçe banuese në Zejmen e cila është transportuar për në Qendrën e Traumes në Tiranë, dhe shtetasia B. Z., 23 vjeçe banuese në Tresh, e cila ndodhet në spitalin Rajonal Lezhë nën kujdesin e mjekëve, jashtë rrezikut për jetën. Grupi hetimor në bashkëpunim me Prokurorinë e Rrethit Gjyqësor Lezhë vazhdojnë hetimet në vendngjarje për zbardhjen e plotë të rrethanave të aksidentit.
