Kryetari i grupit parlamentar të PS, Taulant Balla tha gjatë turit të llogaridhënies me qytetarët në qarkun e Elbasanit se në zgjedhjet e vitit të ardhurshëm, PS nuk do të bëjë koalicion me asnjë parti politike, por vetëm me qytetarët.
Taulant Balla: Pas një viti do të kemi zgjedhje lokale dhe Partia Socialiste e Shqipërisë nuk do jetë në aleancë me asnjë, përveçse me njerëzit e zakonshëm të këtij vendi.
Në lidhje me protestën e opozitës, Balla tha se Basha dhe Berisha duhet të mbajnë përgjegjësi për dëmin që po i bëjnë imazhit të vendit.
Taulant Balla: Lidhur me protestën e opozitës, në çdo vend të botës opozita mund të thërrasë një protestë, por që do vinte dita që pas 27 vitesh PD-ja do të thërriste një protestë për “Babalen”, ky është turp i madh…Sfida që i kemi bërë PD-së është që nëse ai regjistrim do jetë i vërtetë, ministri Xhafaj do të japë dorëheqjen. Por ama ky Lulzimi me Saliun mbajnë përgjegjegjësi për dëmin që i bëjnë imazhit të vendit dhe për gjithë këtë baltë që hedhin Shqipërisë?! Do kishim dashur të kishim një opozitë konstruktive dhe në fakt llogaridhënien e parë ta kishim bërë në Kuvend. Ata vijnë në Kuvend bëjnë teatrin e tyre bajat sa për sy e faqe gjysëm ore dhe ikin.
