Në vijim të veprimeve hetimore të kryera për zbardhjen e ngjarjes së ndodhur më datë 29. 04. 2018, ku ka humbur kontaktet shtetasi Fatjon Fejzilalri, 30 vjeç, banues në Peqin, Elbasan, Policia e Kurbinit informon se, nga efektivët e këtij Komisariati në bashkëpunim me Prokurorinë e Rrethit Gjyqësor Kurbin, pas një pune disa javore hetimore të mirëfilltë, të mirëorganizuar dhe me përdorimin e metodave speciale të hetimit, bazuar në provat shkencore të siguruara u bë ndalimi i Aleksandër Fadili, 30 vjeç, banues në Peqin – Elbasan ( i cili ka bërë denoncimin e humbjes së shtetasit Fatjon Fejzilalri), pasi ky shtetas dyshohet si autori i zhdukjes së shtetasit Fatjon Fejzilalri.
Vazhdojnë kërkimet për gjetjen e trupit si dhe hetimet për zbardhjen e plotë të rrethanave dhe shkaqeve të ngjarjes.
Materialet proçeduriale iu referuan Prokurorisë së Rrethit Gjyqësor Kurbin për veprën penale ” Vjedhje me pasojë vdekjen” parashikuar nga neni 141 i Kodit Penal.
