Kryeministri Edi Rama ka komentuar vendimin për arrest shtëpiak të Saimir Tahirit, vetëm pak minuta pasi ky vendim u bë publik.
“Vendimi i sotëm për Saimir Tahirin nuk komentohet, thjesht respektohet si një e drejtë e organeve të drejtësisë, të cilat i detyrohen vendit e botës një proces të pavarur, transparent e me integritet të plotë kushtetues e profesional, duke garantuar drejtësi jashtë çdo influence politike, mediatike a diplomatike”, shkruan Rama.
Reagimi i Ramës nuki ngjan të jetë shumë i qartë pasi në përgjithësi i drejtohet mundësisë së ndikimit të gjykatës prej faktorëve të ndryshëm ku ndër ta përmendet edhe ai diplomatik.
