Saimir Tahiri lëshoi akuza të forta gjatë ditës së sotme ndaj Fatmir Xhafës. Duke folur në një konferencë për mediat, Tahiri tha se “ministri i Brendshëm numëron bandat në televizor, një tmerr që të largohesh e të marrësh valixhet…Ka më shumë kriminelë në Itali, por askush nuk flet kështu.
Ka më shumë në Greqi po përsëri nuk flasin kështu në televizor. Ka më shumë drogë, vrasje, prostitucion, kriminalitet, në thuajse çdo vend të Evropës sesa në Shqipëri po askush nuk ia nxit faqen vendit të vet në çdo mënyrë”.
Pas këtyre deklaratave është pritur një reagim i ministrit të Brendshëm, Fatmir Xhafaj.
Sapo doli nga salla e parlamentit, gazetarët kanë kërkuar një reagim nga Xhafaj, por ky i fundit e ka kaluar me dy fjalë.
“Nuk kam asnjë koment sot.
Nuk i heq asnjë gjë atyre që kam thënë deri sot”, tha për gazetarët Fatmir Xhafaj.
