Në një prej urbanëve të kryeqytetit është krijuar një situatë aspak e këndshme, ku shoferi i autobusit ka shfaqur papërgjegjësi në drejtimin e mjetit, i cili ishte i mbushur me pasagjerë.
Personi që ka filmuar ngjarjen e ka dërguar videon te faqja “Lolita” në rrjetin social “Facebook”, ku ka denoncuar rastin në fjalë. “Jemi ankuar kot për çmimin e biletës së autobuzëve. Tani shërbejnë edhe si autoshkollë!”, thuhet në përshkrimin e videos.
Nga pamjet shihet se si shoferi ka lejuar një pasagjere që të kontrollojë drejtimin e timonit.
Edhe pse situata është shoqëruar me të qeshura, ashtu siç dëgjohet edhe në video, një sjellje e tillë nuk është aspak normale pasi mund të jetë burim aksidenti.
https://www.facebook.com/Lolita16112015/videos/1837959026505524/
