Sinjalizimi rrugor horizontal dhe vertikal i vendosur së fundmi nga Enti Pronar i rrugës në zonën e njohur si Komuna e Parisit dhe parakalimet e gabuara ishin zonat ku u përqëndruan kontrollet e Policisë Rrugore Tiranë.
Sjellja e përdoruesve të rrugës në raport me sinjalizimin rrugor vertikal dhe horizontal në afërsi të kryqëzimeve dhe segmenteve rrugore me fushëpamje të kufizuar ishin objekt kontrolli i efektivëve të Policisë Rrugore, si në rrugën “Siri Kodra”, rruga “Medar Shtylla”, rruga “Tish Daija” etj .
Nga verifikimet dhe kontrollet e ushtruara nga Policia Rrugore e Tiranës janë konstatuar dhe proceduar administrativisht :
• 28 drejtues automjetesh për parakalim të gabuar në afërsi të zonës së kryqëzimitz
• 35 drejtues motomjetesh për mospërdorim të kaskës mbrojtëse.
• 45 automjete për parkim të gabuar.
• 27 drejtues mjetesh u janë tërhequr lejet e drejtimit pasi janë konstatuar duke qarkulluar në sens të kundërt me atë të lëvizjes.
• 67 masa administrative për shkelje të tjera.
https://www.facebook.com/policia.al/videos/1003835733103253/
