Një furgon i bardhë ka hyrë mes turmës së kalimtarëve në Toronto. Sipas policisë pasojë e sulmit janë rreth 10 kalimtarë, dhe dyshohet se janë 5 viktima por ende e pakonfirmuar. Policia ka mbyllur dy rrugët me të cilat kryqëzohet vendi ku ndodhi aksidenti.
Dëshmitarët kanë thënë se furgoni ka hipur papritur në trotuar dhe asgjë nuk e ndalonte.
Sipas një rindërtimit të parë të skenës së ngjarjes, furgoni i bardhë ka kaluar papritur barrierën që ndan rrugën nga zona pedonale dhe ka marrë para personat që ndodheshin në trotuar.
Aksidenti ka ndodhur rreth orës 13:30 me orën lokale ose 19:30 me orën tonë. Për momentin nuk ka informacione të qarta nëse bëhet fjalë për një aksident apo një veprim të qëllimshëm.
Automjeti u largua nga vendi i ngjarjes pas incidentit, në kryqëzimin e Yonge Street dhe Finch Avenue, thotë policia dhe autori u kap pak minuta pas ngjarjes. Nuk jepet asnjë informacion për të. Policia i ka kërkuar publikut të shmangë zonën dhe shërbimet e metrosë janë ndalur.
