Një polic është shpallur në kërkim pasi i është gjetur drogë në makinë. Ai u shpall në kërkim, pasi arriti të shpëtoj se braktisi mjetin.
Policia sekuestroi mjetin e tij në Fushë-Krujë në të cilin është gjetur një sasi e konsiderueshme lënde narkotike.
Deri më tani identiteti i tij nuk bëhet i ditur, ndërsa hetimet e policisë vijojnë.
Njoftimi i plotë i Policisë
Më datë 20. 04. 2018 u arrestua në flagrancë shtetasi B. H., 40 vjeç, banues në Gjirokastër.
Gjithashtu është shpallur në kërkim dhe po punohet për kapjen e shtetasit me iniciale S. O. banues në Tiranë, punonjës policie, pasi më datë 19.04.2018, në fshatin Thumanë, nga kontrolli i ushtruar në dy automjete u gjetën dhe sekuestruan në cilësinë e provës materiale 421 kg e 450 gr lëndë narkotike e dyshuar e llojit Marijuanë.
Nga hetimet e kryera dyshohet se shtetasi S. O., është i përfshirë në këtë aktivitet kriminal.
Nga ana jonë është njoftuar Drejtoria e Përgjithshme e Standardeve Profesionale në Policinë e Shtetit, e cila ka bërë pezullimin e menjëhershëm nga detyra dhe nisjen e ecurisë disiplinore për shkelje të rëndë.
Po punohet për gjetjen e tij dhe vënien në dispozicion në kryerje të hetimeve. Neni 283/2 i Kodit Penal.
