Këshilli Kombëtar i PD miratoi propozimin që anëtarë të Këshillit Kombëtar të jenë edhe ish kryetarët e Kuvendit krahas ish presidenteve, ish kryeministrave dhe ish kryetarve të PD.
Kjo do të thotë se edhe Jozefina Topalli do të vijojë të jetë gjithnjë anëtare e Këshillit Kombëtar të PD. Topalli është anëtare në këshillin Kombëtar por mund të vijojë edhe më tej pa qenë nevoja të votohet.
Propozimi ka ardhur nga Edith Harxhi dhe Edvin Kulluri, ndërsa ka marrë edhe aprovimin e Lulzim Bashës.
Kujtojmë se ish kryetarja e Kuvendit, Jozefina Topalli është një nga zërat kritikë ndaj Lulzim Bashës.
