Një shqiptar ka rënë në prangat e policisë italiane, pasi u kap me një sasi kokaine. Mediat italiane raportojnë se shqiptari u arrestua nga policia e Bolzanos në Itali. Bëhet fjalë për shtetasin me inicialet K. D., të cilit iu gjet 500 gr kokainë.
“Ansa” shkruan se shqiptari kishte hyrë në vendin fqinj për turizëm, por shumë shpejt u vu në ndjekje nga karabinierët.
Pasi disa të dhëna që trafikanti tregoi mbi prezencën e tij në Itali nuk përkonin, policët ushtruan kontrolle të imtësishme, ndërsa i gjetën edhe sasinë e drogës.
