Një 32-vjeçar gjeti vdekjen sot pasdite në Shënkoll të Lezhës, pasi ra në kontakt me rrymën elektrike.
Me mbërritjen në vendin e ngjarjes, policia gjeti se 32-vjeçari me inciale L.B, i cili banonte në Tiranë, ka qenë duke peshkuar në një kanal në Shënkoll dhe kallami me të cilin peshkonte ka rënë në kontakt me një kabull të rrymës elektrike.
I riu u dërgua menjëherë në spitalin rajonal të Lezhës, por ndërroi jetë.
Grupi hetimor në bashkëpunim me Prokurorinë e Rrethit Gjyqësor Lezhë ndodhen në vendngjarje e po hetojnë për sqarimin e plotë të rrethanave të ngjarjes.
