Partia Demokratike sqaroi sot rreth nje deklarate të kreut të grupit parlamentar të Partisë Socialiste, Taulant Balla, sipss te cilit Basha nuk paguan faturën e ujit të pijshëm nga shtatori i 2017.
“Ky është i pari që e ka filluar “mosbindjen civile”, pastaj po e ndoqi njeri mbrapa mirë. E sigurtë që nuk do ta ndjekë njeri mbrapa”, komentoi Balla.
Ne pergjigjen e vet PD komenton se Balla është një lolo i vogël që Edi Rama përdor çdo ditë për të mashtruar njerëzit .
“Taulant Balla ka shpifur dhe mashtruar sot kundër Lulzim Bashës. Është një lolo i vogël që Edi Rama përdor çdo ditë për të mashtruar njerëzit që ata të mos mendojnë për Saimir Tahirin, Agron Xhafajn, Damian Gjiknurin, Vangjush Dakon. Regjimi i banditëve në pushtet mund të mbahet në këmbë vetëm me shpifje, mashtrim dhe manipulim, sepse e vërteta i rrëzon dhe do t’i rrëzojë. Atëherë shqiptarët do të clirohen dhe argëtohen me fundin qesharak të lolove si Balla,” deklaroi zëdhënsja e PD, Ina Zhupa.
