Policia Rrugore e Tiranës kërkoi falje sot në mbrëmje për bllokimin e madh që i shkaktoi Tiranës për më shumë se 7 orë duke paralizuar qarkullimin në kryeqytet, e vecanërisht në qendër të tij.
“Policia Rrugore e Tiranës falënderon qytetarët dhe drejtuesit e mjeteve për mirëkuptimin dhe mbështetjen e dhënë gjatë ditës së sotme, pasi për shkak të grumbullimit të një numri të konsiderueshëm qytetarësh pranë gjykatës së Tiranës për një proces gjyqësor, u bllokuan disa arterie rrugore.
Kjo solli rëndim të trafikut ne orare te caktuara dhe devijim e bllokim të lëvizjes.
Policia Rrugore e Tiranës, angazhoi gjithë efektivin e saj për t’ju ardhur në ndihmë qytetarëve duke lehtësuar sado pak fluksin dhe mbi ngarkesën në qarkullimin e automjeteve”, thuhet në njoftimin e policisë rrugore.
Policia bllokoi qarkullimin sot në dy anët e lumit të Lanës nga bulevardi kryesor ne drejtimin perëndimor të kryeqytetit, deri tek ura ‘Vasil Shanto’ si dhe rrugët hyrëse dhe dalëse në këto segmente.
Bllokimi u bë pa asnjë arsye. Rreth gjykatës së Tiranës kishte shumë policë dhe jo shumë protestues. Protestuesit ndodheshin kryesisht në pjesën jashtë rrugës kryesore dhe ishte policia që i shtyu ata deri në bulevardin breg Lanës.
https://www.facebook.com/1502420603377639/videos/2140609192892107/
