Sot në orën 19:00 Shqipëria do të provojë forcat në miqësoren përballë Norvegjisë.
Ndoshta si asnjëherë më parë Panucci do të hedhë në fushë 3 sulmues pasi ndryshe nga koha e De Biasit, Roshi dhe Grezda nuk do të luajnë në mesfushë por në sulm.
Me seancën përmbyllëse trajneri ideoi edhe skuadrën që pritet të zbresë në “Elbasan Arena” ku si rrallë herë do të luhet me 3 sulmues.
Panucci ndryshe nga De Biasi do të aplikojë skemën taktike 4-3-3 ku do të synohet që kundërshtari të vendoset në vështirësi.
Porta do t’i besohet Strakoshës, mbrojtja do të përbëhet nga Hysaj, Ajeti, Mavraj dhe Lenjani.
Mesfusha do të jetë më pak e ngjeshur ku do të vendoset Xhaka Ramadani dhe Qaka.
Reparti ofensiv ajo që pritet të shihet me më shumë interes për shkak të ndryshimit të skemës do të përbëhet nga Roshi, Grezda dhe në qendër të sulmit Sadiku.
