Kuvendi i Kosovës ka arritur të ratifikojë marrëveshjen e demarkacionit me Malin e Zi pas katër votimeve të dështuara nga bombat tymuese që u hodhën nga deputetët e vetvendosjes.
Me 80 vota pro, 11 kundër dhe asnjë abstenim, deputetët e Kuvendit i dhanë dritën e gjelbër kësaj marrëveshje.
Ndërkaq deputetët e VV-së, shumica prej tyre, u përjashtuan nga seanca.
Në momentin kur është votuar demarkacioni i pranishëm në seancë ka qenë vetëm deputeti i VV-së, Glauk Konjufca.
Votimi i demarkacionit me Malin e Zi ka qenë edhe kushti për të nisur procesin e levizjes së lirë në hapësirën Shengen për qytetarët e Kosovës.
