Dritan Idrizaj, një menaxher shqiptar i hoteleve në Pietra Ligure u arrestua në Itali për kamatë, mashtrim dhe zhvatje.
Mediat italiane raportojnë se shqiptari kishte krijuar një organizatë mes Imperia dhe Albenga, përmes të cilës huazonin para për sipërmarrësit lokalë.
Idrizaj, sipas rindërtimit të skemës nga hetuesit, ishte përgjegjës për “tërheqjen” e viktimave, të cilët shpesh e dinin. Nëse nuk mund të paguanin borxhet, sipërmarrësit kërcënoheshin nga banda.
Një furnizues ushqimesh, i cili në të kaluarën kishte pasur Idrizajn si punonjës, u detyrua të kthente 600 mijë euro duke u dhënë kriminelëve pronat. Për disa raste të tjera nuk u gjetën prova.
