Kryetari i Bashkisë së Tiranës, Erion Veliaj, ka ankimuar në Gjykatën Administrative të Apelit vendimin e Gjykatës Administrative të Shkallës së Parë Tiranë, e cila refuzoi shqyrtimin në themel të padisë për konstatimin e pavlefshmërisë absolute të dekretit të emërimit të Ols Dados si prokuror.
Në ankimin e tij, Veliaj pretendon se në momentin e emërimit, në vitin 2008, Dado nuk kishte përfunduar Shkollën e Magjistraturës dhe, për pasojë, sipas tij, nuk plotësonte kriteret ligjore për t’u emëruar prokuror.
Veliaj kundërshton vendimin e gjykatës për mbylljen e çështjes për mungesë legjitimimi, pa hyrë në shqyrtimin e pretendimit nëse akti i emërimit ishte apo jo absolutisht i pavlefshëm.
Sipas kryebashkiakut, një çështje e tillë duhet të verifikohet nga gjykata edhe kryesisht, pasi pretendimi lidhet me formën më të rëndë të paligjshmërisë së një akti administrativ. a.b
