Parku Kombëtar i Valbonës në zonën e Tropojës, një prej destinacioneve turistike më të njohura në veri të vendit është mbuluar nga dëbora.
Viva Helicopters ka kryer disa fluturime mbi zonën e Valbonës në këto ditë të ftohta duke fiksuar peisazhe tipike të dimrit alpin.
Nga pamjet e fiksuara nga bordi i helikopterit duket se rruga automobilistike që lidh Valbonën me qendrën e rrethit është e hapur dhe e kalueshme pavarësisht reshjeve të ditëve të fundit.
Bora ka arritur deri në 70 centimetra trashësi në zonën e Valbonës e cila frekuentohet nga vizitorë të shumtë edhe gjatë kësaj periudhe për shkak të klimës, mundësisë për sporte dimërore dhe ushqimit bio që ofrohet nga bujtinat.oranews
