Fabian Zhilla, studiues dhe ekspert i Kriminalistikës, thotë se grupet kriminale shqiptare kanë parcelat e tyre të blerjes së kokainës në Amerikën Latine.
Në edicionin qendror të lajmeve në Ora Neës, Zhilla u shpreh i sigurtë për ekzistencën e karteleve shqiptare në vende si Kolumbia apo Ekuadori.
Fabian Zhilla: “Ne nuk dimë sa kartele shqiptare kanë plantacionet e tyre në Amerikën Latine. Unë mendoj që ka, por nuk dimë numrin e karteleve. Nuk dimë sa kartele janë dhe si operojnë. Pra është një kartel që furnizon grupet shqiptare këtej, apo secili nga kartelet shqiptare ka parcelat e veta
Sipas Zhillës, rrezja e veprimit të karteleve shqiptare, shtrihet gjerësisht në Europë.
Fabian Zhilla: “Mendoj që kemi kartele të ndryshme shqiptare që operojnë Itali dhe grupe shqiptare që operojnë në Gjermani dhe Britaninë e Madhe”
Forma e transportit, duke përdorur edhe Maltën tregon se kemi të bëjmë edhe me një kartel kokaine në shqipëri, që nuk është hera e parë. Studiuesi shton se në këtë rast policia duhet të priste, që të kapeshin organizatorët, pasi kokat e trafikut nuk u arrestuan.
Fabian Zhilla: “Do të duhej të pritej të kapej, le të themi deri ku shkonte dhe kush ishin organizatorët le të themi, sepse një kapje e tillë siç e shikoni, janë kapur thjesht shoferët dhe nuk janë kapur kokat”
Së fundmi, Zhilla tha se sasi të tilla kokaine nuk kalojnë pa mbëshetje të fortë nga segmentet shtetërore.
