Shtyhet për në 22 shkurt seanca gjyqësore në Gjykatën e Apelit për katër personat e akuzuar për vrasjen e Devi Kasmit.
Avokati i shtetasit grek, Eftimiu Efthimius, i cili dyshohet si autor i ekzekutimit të Kasmit mbrëmjen e 29 janarit, tha se gjykata kishte bërë gabim njoftimet.
“Gjykata kishte bërë gabim njoftimet. Në dosje nuk ka asnjë provë”, u shpreh Saimir Vishaj.
Efthimius dhe tre të arrestuarit e tjerë Elton Halipaj, Malvin Dinellari dhe Elton Hoxhallari të akuzuar si organizatorë të krimit, si pjesë të grupit kriminal në ekzekutimin e Devi Kasmit kanë apeluar masën e sigurisë ‘arrest me burg’ të marrë nga gjykata e shkallës së parë në Tiranë.
