Godina ekzistuese e Teatrit Kombëtar është pjesë e historisë dhe rrafshimi i saj zhduk një memorie të domosdoshme.
Presioni i klientelës me një histori me kulla që nis në 1999 me Ramën Ministër Kulture, vazhdon me 2002 me Ramën Kryetar Bashkie (teatri do merrte 25% nga kulla) është rikthyer tani 2018 me Ramën Kryeministër, kujton atë kohë deputeti i PD-së, Luciano Boci i cili ka publikuar edhe disa dokumenta.
Në kohën që ishte ministër Rama dha Teatrin për 5 vite me qera për bingo (1999), duke falsifikuar sipërfaqen e lëshuar nga 575 m2 në 500 m2 dhe duke shkaktuar një dëm ekonomik prej 100.000 dollarësh, atëkohë shumë stratosferike.
Këtë e bëri sepse sipas ligjit, kur sipërfaqa e një objekti kalonte 500 m2, autoriteti që firmoste sipas parimit socialist 1 dollar 1 m2, ishte Ministria e Ekonomisë jo e Kulturës.
Rama nuk mund ta linte këtë rast të artë. Falsifikoi dhe mori cfarë deshte.
Media e kohës që atehëre nuk ishte bë kazan për Ramën, pak vite më pas (2002), e denoncoi fort aferën (foto).
Bëhet fjalë për gazetën Dita që në atë kohë drejtohej nga Prec Zogaj ndërkohë që ishin redaktorë të saj edhe Henri Cili, Sami Neza, Basir Collaku ndërsa kryeredaktore Iva Tico
Në foto njëkohësisht jepet edhe kontrata e Ramës e nxjerrë në rrjete nga K. Çipi (1999) dhe sipërfaqa reale e dhënë me qera e matur dhe e firmosur në 1995 nga inxhinierët.
“Kjo duket qartë një arsye më shumë që Rama po insiston të rrafshojë Teatrin Kombëtar.
Kështu ai po kërkon, krahas të tjerave, të fshijë provat e veprës penale të kryer”, shprehet deputeti socialist.
