Rikthehen grabitjet me maska. Ngjarja e rëndë e radhës ka ndodhur në Patok të Kurbinit kur dy persona të armatosur kanë grabitur pronarin e një biznesi. Dy persona të maskuar dhe të armatosur sulmuan afro mesnatës një tregtar në Patok të Kurbinit.
Seit Sinani ka qenë duke mbyllur lokalin e tij në Lagunë, kur grabitësi i drejtuan armën.
Pronari i lokalit është detyruar t’u japë autorëve 5 milionë lekë (të vjetra), aq sa dhe kishte në lokal. Më pas sipas dëshmisë së Sinanit, grabitësit u larguan me makinë.
Policia ka shoqëruar disa persona, banorë të zonës, por pa arritur të vërë në pranga autorët e vërtetë të ngjarjes së rendë që ka sjellë frikë edhe tek pronarët e bizneseve të tjera të zonës.
