Një tjetër zjarrvënie ka ndodhur në qytetin e Vlorës. Persona të paidentifikuar i kanë vënë zjarrin qëllimisht makinës së biznesmenit Eduard Alikajt, “Benz” me targa AA 777 KP. Si rrjedhojë, ajo është djegur në pjesën më të madhe të saj.
Policia e ka konstatuar ngjarjen në orën 01:00, pas mesnate dhe ka nisur hetimet duke mbledhur provat. Puna e parë ka qenë kontrolli i pamjeve të filmuara nga kamerat e sigurisë dhe aty është vërejtur qartë se pranë makinës ka shkuar një person i maskuar me biçikletë. Makina ishte parkuar afër shtëpisë.
Nga kamerat e sigurisë është parë një person me maskë që lëvizte me biçikletë. Figura e të maskuarit pranë makinës pak minuta para shpërthimit të zjarrit e kanë shtyrë Policinë të besojë se bëhet fjalë për zjarrvënie.
Informacion paraprak nga Policia e Vlorës
Më datë 12. 02. 2018, rreth ora 01:00, në lagjen ”Hajro Çakërri”, në vendin e quajtur Xhamia, është djegur pjesërisht, automjeti tip ”Benz” , në pronësi të shtetasit E. A. Mjeti ka qenë i parkuar.
Grupi hetimor po punon për përcaktimin e plotë të shkaqeve të djegies së mjetit.
