Një 35-vjeçar është ndaluar nga policia si pjesë e punës për kapjen dhe ndalimin e shtetasve të shpallur në kërkim. Algert Mikeli, banues në Mirditë, u arrestua pasi ishte dënuar me 7 vite burgim për vepren penale “Prodhim dhe shitje e narkotikëve”.
“Nga Specialistët e Seksionit për Krimet në Komisariatin e Policisë Mirditë , u kap dhe u ndalua Algert Mikeli, 35 vjeç, banues në Mirditë,” shkruhet në njoftimin e policisë.
Kapja dhe ndalimi i tij u bë pasi Gjykata e Rrethit Gjyqësorë Lezhë, lënë në fuqi nga Gjykata e Apelit Shkodër, e ka dënuar me 7 vite burg për veprën penale të ‘Prodhimi dhe shitja e narkotikëve’, Neni 283/2 i Kodit penal”, bëjnë të ditur burimet e Policisë Vendore.
