Policia e Tiranës gjeti kufomën e një burri në një makinë në Tiranë. Makina ishte e vendosur jo larg nga qendra e Tiranës dhe pas verifikimeve u mësia se 61 vjecari i vdekur ishte roje objekti në të njëjtin vend.
Ai është gjetur pa shenja jete në një makinë tip “Volksvagen”, në rrugën “Liman Kaba” në një kompleks privat, njofton policia. Sipas hetimeve paraprake, dyshohet se vdekja e 61-vjeçarit ka ardhur nga asfiksia, pasi në makinën ku është gjetur trupi i pajetë i H.M. është gjetur një mangall me prush dhe hi.
Materialet u referuan në Prokurorinë e Rrethit Gjyqësor Tiranë, për vdekje aksidentale, njoftoi policia.
