Në mbledhjen e parë të grupit parlamentar të LSI për vitin 2018 është vendosur që kjo forcë politike të marrë pjesë në seancën plenare të 15 janarit. Vendimin e komunikoi për mediat nënkryetari i LSI, Luan Rama, i cili tha gjithashtu se grupi parlamentar mbështet qëndrimin e Kryesisë së kësaj partie për organizimin e protestës së opozitës në 27 janar.
“Grupi vendosi të marrë pjesën në seancën e datës 15 janar. Për të ushtruar me vendosmëri dhe për të përmbushur rolin tonë si opozitë. Grupi gjithashtu mbështeti qëndrimin e mbajtur nga kryesia e LSI për organizimin e protestës së madhe të 27 janarit.Viti 2018 duhet të jetë viti i luftës së vendosur kundër varfërisë dhe abuzimit shtetëror”, tha Rama.
