Fillimi i vitit 2018 do ta gjejë Sokol Ballën në një televizion tjetër, pasi njoftoi largimin nga Top Channel. Ai tashmë do të jetë tashmë pjesë e stafit të Vizion Plus. Ndërkohë, mësohet se Balla do të ketë rolin e drejtorit ekzekutiv në këtë televizion si dhe do të drejtojë një emision politik, i cili do të jetë emisioni kryesor në Vizion Plus, sipas Express.
Pas 12 vitesh ai është larguar nga Top Channel ku ishte drejtor informacioni dhe gjithashtu drejtues i emisionit “Top Story”. Mendohet se emisioni i ri i Ballës do të quhet “Real Story”, emër të cilin e përmendi edhe në një shkëmbim batutash me Ramën.
Disa ditë më parë drejtuesi i emisionit top story ne Top Channel , Sokol Balla lajmëroi vetë largimin e tij nga Top Chanel, natyrisht edhe nga emisioni. Ai ka postuar në tëitter teksa uron të gjithë për vitin e ri dhe shënon se ka një urim të posaçëm për gazetarët e Topit me të cilët kaloi plot 12 vjet. Prej disa ditësh Top Channel mbylli studion e emisionit dhe Balla e realizonte atë përmes intervistave në ambiente të rastit.
