Një 65-vjeçare mbeti e plagosur mbrëmjen e sotme në Elbasan teksa u përplas nga një automjet. Aksidenti u regjistrua në Lagjen “Luigj Gurakuqi” në vendin e quajtur “Kryqëzimi i Dinamos”, ku G. Gj., 23 vjeç banues në Elbasan duke drejtuar mjetin tip Citroen veturë me targa AA 775 MS, ka aksidentuar këmbësoren shtetasen R. H., 65 vjeçe banuese në Elbasan.
E aksidentuara është dërguar për ndihmë mjekësore në spitalin Kirurgjik dhe ndodhet jashtë rrezikut për jetën. Drejtuesi i mjetit është shoqëruar në Komisariatin e Policisë Elbasan për veprime të mëtejshme.
Grupi hetimor ndodhet në vendngjarje dhe po punon për përcaktimin e shkaqeve të aksidentit.
Elbasan, aksident, i riu përplas me automjet të moshuarën
