Ngjarja e mëngjesit të sotëm në Elbasan, duket se ka qenë një atentat i mirëfilltë me armë. Objektivi i këtij atentati të dështuar mendohet të ketë qenë Ardian Çapja, 49 vjeç, një emër i shumëpërfolur i fisi të njohur për autoritetet. Policia ka dyshime se persona të paidentifikuar e kanë vëzhguar zonën dhe kanë konstatuar se Ardian Çapja ishte pranë lokalit të tij.
Ata kanë qëlluar për ta vrarë, por nuk kanë mundur dhe janë larguar duke djegur makinën e tyre me targa false. Shkak për ngjarjen dyshohen se janë konfliktet e vjetra të Ardian Çapjas, i cili është tentuar të vritet edhe 6 muaj më parë me një predhë, por që nuk shpërtheu. Vëllai i tij, Sokol Çapja, është ekzekutuar në vitin 2005. Vetë Ardian Çapja dyshohet edhe si njeri nga personat që qëlloi mbi Policinë në vitin 2016.
