Një ngjarje tepër e rëndë ka ndodhur në qytetin e Vlorës, teksa mëngjesin e sotëm janë zbuluar dy persona të vdekur në një shtëpi në lagjen ‘Pavarësia’. Dy familjarët raportohet se kanë humbur jetën për shkak të rrjedhjes së gazit në një apartament. Sipas policisë viktimat janë një burrë dhe një grua, 65 dhe 48 vjeç, të cilët u gjetën të asfiksuar. Çifti i të moshuarve që kanë humbur jetën, quhen Rrok dhe Prena Tata. Uniformat blu kanë nisur punën për zbardhjen e ngjarjes.
