Nga janari i vitit të ardhshëm, qeveria do të ashpërsojë masat për të nxjerrë nga qarkullimi makinat e vjetra, të cilat konsiderohen si një ndër ndotëset më të mëdha në mjedis. Në një intervistë për Report TV, Ministri i Turizmit dhe Mjedisit, Blendi Klosi u shpreh se makinat e lejuara për importin do të jenë mjetet Euro 4, ose thënë ndryshe, makinat e prodhuara në 2005. “E ndjen këtë nga lëvizja e makinave që janë jashtë parametrave europianë të ajrit, e ndjejmë këtë nga makinat që janë drejt fundit të jetës dhe demolohen në mënyrë të parregullt në gjithë Shqipërinë. Vijmë te pikat e skrapit që vazhdojnë fatkeqësisht në qendrat e qyteteve të punojnë kudo”, shprehet ministri i Turizmit dhe Mjedisit, Blendi Klosi.
Qeveria pritet të kalojë një paketë të re masash lehtësuese për të nxitur blerjen e automjeteve të reja. “Kërkesa fare elementare është që ne të shkojmë me shpejtësi drejt kërkesave evropiane të importit brenda vendit tonë vetëm makinave të cilat kanë një standartë të lartë të trajtimit të gazrave, gjë që shkon kufizimin e trajtimit të makinave sipas tipeve dhe mënyrës se si e trajtojnë karburantin. Lehtësira fiskale apo hapësira më të mëdha ligjore për makinat të cilat janë të paktën hibride, por edhe ato që trajtojnë gazin edhe naftën edhe makinat elektrike”, sqaron Klosi.
Brenda 6-mujorit të parë të 2018 do të hyjnë në fuqi rregullat e reja, sipas të cilave lejohen të importohen në Republikën e Shqipërisë vetëm mjetet motorike, që plotësojnë standardet Euro 5 të shkarkimeve në ajër; dhe mjetet ekzistuese, shkarkimet e të cilave iu përkasin standardeve Euro 1 (viti i prodhimit 1993-1994) dhe Euro 2 (viti i prodhimit 1997), duhet të marrin masat për arritjen e standardit Euro 3. Pas përfundimit të projekteve, prej këtyre masave do të përfitojnë rreth 3 mijë studentë dhe kursimet e energjisë së siguruar kësisoj do të lehtësojnë ndjeshëm barrën e arkës publike në masën 60 %.
VENDIMI/ Kush ka makinë të “vitlindjes” para 2005, ja çfarë e pret në 1 janar 2018
